Бомдодда уйғотган ўзингга шукур Юракка иймонни, ихлосни солиб | ОНАЛАР КАНАЛИ _N1

Бомдодда уйғотган ўзингга шукур

Юракка иймонни, ихлосни солиб,
Кўзлардан уйқуни, ғафлатни олиб,
Энг ширин ором ҳам бир четда қолиб,
Бомдодда уйғотган ўзингга шукур!

Aзон садолари шундайин саским,
Беҳаловат руҳга беради таскин,
Намозга турмаган - ҳақиқий мискин,
Бомдодда уйғотган ўзингга шукур!

Барвақт турмоқ, асли, вужудга даво,
Aтрофда кезади энг тоза ҳаво,
Энг буюк табобат, энг буюк сафо,
Бомдодда уйғотган ўзингга шукур!

Хаёлларни узиб дунё ўйидан,
Этакларни силтаб дунё уйидан,
Сақлабон шайтоннинг базму тўйидан,
Бомдодда уйғотган ўзингга шукур!

Ризқимизга хайр барак бериб,
Кибримиз эзғилаб, тупроққа қориб,
Энг сара тақдирни муносиб кўриб,
Бомдодда уйғотган ўзингга шукур!

Саждага теккан бош мағрур бўларкан,
Юрак шафоатга, бахтга тўларкан,
Ҳар саҳар неча минг ҳаёт сўларкан...
Бомдодда уйғотган ўзингга шукур!

Вафо Мўмин

https://telegram.me/joinchat/CACwEUERDHP6Ikw7PyuNDw