سويّرإلعصيمي

2023-06-03 02:30:43 على كثر الجروح في صدري ماعرفت أعتاد
‏يجينيّ الجرح ماكن له دروب بداخلي رحبة

‏وعلى كثر المفارق في الزمان بخاطري مافاد
‏أنا للحيّن فيني من الموادع والحزن رهبة

‏إلين الحين ودموعي تهامل والألم يزداد
‏ولا أستاهل لو إن الحظ يقصر والحلا وهبّه

لعل الله أودع في جوانب روحي الأضداد
‏أحبّ أبعد عن الغالي مخافة وأحتري قربه

‏أخاف من الجدل ومن الزعل ومن الكلام الحاد
‏ يغربنيّ قسى الغالين دايم وأشعر بغربة

‏بصدري تعشب الفرحة ولا تأخذ كلف وجهاد
‏بسيطة لكن بصدريّ أمل وبداخلي رغبه . Buka / Bagaimana

2023-05-22 23:26:38 هيضتني جرة الصوت باللحن الطروب
‏والله ان بعض الطواريق جلابة بلا

‏كيف أبسلى واتناسى وأنا مالي دروب
‏وأهني الي من الهم والضيقه سلا

‏ياحمّد صار قلبي على ضوٍ شبوب
‏كل ماهلت دموعي .. تعرضت الخلا . Buka / Bagaimana

2023-05-21 02:13:41 ‏العزلة أصدق من وجيه المخاليق.. Buka / Bagaimana

2023-05-21 02:09:51 وقفت عنده ميّت العزم مذبوح
‏بيني وبين الروح شد ونزاعي

‏اوادعه ولا كذا اصد واروح ؟
‏مامحق من الصده يا كون الوداعي

‏و اظنّ مالي بين الامرين مصلوح
‏ان كان ما عقب المراح اجتماعي

‏وين الصلاح وداخل الجوف مجروح
‏وحبل الرجا يوشك على الانقطاعي . Buka / Bagaimana

2023-05-21 02:08:05 اَعط الحزن حقّه مدام إنّ له حق
‏ماهو مقفّي عنْك من دون حقّه

‏اِحزن، وإذا حسّيت في ضيقتك ضق
‏واللي كتبت بدفترك: لاتشقّه

‏بكرا (الفرح) يوقف على الباب ويدق
‏وتنسى الحزن كلّه مع أدناة دقّة

‏وإذا لقيت الرقعة أصغر من الشقّ:
‏ترا "البنآدم" منخلق للمشقّة. Buka / Bagaimana

2023-05-21 02:07:00 ‏حال قلبي مثل حال سعد بن جدلان
‏ - مرةٍ اسلا ومرةٍ يعاودني بلايّ . Buka / Bagaimana

2023-05-12 02:55:12 أقتنعت مؤخرًا إن اللي يبيك بيجيك لو بينك وبينه عذول ومسافات وبلاد وسيوف، حتى لو يوضح لك ذلك بكلمة. فلا ترهق عمرك بالهواجيس لأن "القلوب اللي تحبّك ماهي بحاجة عزيمة" Buka / Bagaimana

2023-05-08 11:15:57 من أول أسباب راحة البال: "معطي الدنيا وأهلها قفى" Buka / Bagaimana

2023-05-06 15:50:14 كل يومٍ لما تجي هالحزّة و أختلي بنفسي
‏ يطري عليّ هالبيت :
‏" كلٍ يعرفك سَمح خاطر ومزّاح /
‏ما يعرفونك يوم ترخي الستاير " Buka / Bagaimana

2023-04-25 22:37:46 ما جاد الوبل في جرد الفيافي
ولا مدّت شموس الهجر فيّة

في دربي يدفن الأحلام سافي
بـ هبايب خوف وهقوة جرهديّة

محاصيلي تباريح ومنافي
وأنا حاصد أمانيٍ نديّة

عيوني للتعب صارت مرافي
وصدري للوجع حضن وأسيّه

تحايلت الليال بـ ستر ضافي
وتحاشيت الظروف بـ حسن نيّة

بعد ما كان غصن الوصل وافي
تطايح الورق صبح وعشيّة

ما بين أحساسي ونظم القوافي
تسيل دموع وأيامٍ قفيّة

ما قلت لـ حيلة الأقدار كافي
أقابلها بـ شدّة وعنجهية

وإذا طالت مشاويري عوافي
خطاوييّ على الطايل عصيّة Buka / Bagaimana