2024-01-23 05:44:24
نفسيتي ساءت ومش قادر أتحمل اللي بيحصل في غزة والسودان وبلاد المسلمين؟- عارف يعني ايه (إنا لله وإنا إليه راجعون)؟ أعطيك مثال..
يعني شاب يتعلم ويدرس ويتخرج ويبني بيت ويتقدم لبنت ويتزوجها ويكوِن أسرة ويُرزق بأولاد، وينفق على الأولاد ويتعب في شغله علشان يصرف عليهم بالحلال، والزوجة تسهر وتكابد على راحة أولادها وتراقبهم عند مرضهم وتسهر عليهم وتطببهم لحد ما يستردوا عافيتهم، وبعدها في لحظة ما العيلة دي بكل ما فيها يتهد عليهم سقف بيتهم بسبب قصف صاروخي من عدوهم!
إنا لله وإنا إليه راجعون: يعني الحياة دي كلها بما فيها لله عز وجل، وأنت عبد، ومآلك لسيدك يفعل بك ما يشاء وكيف يشاء في هذه الحياة الدنيا (قال صلى الله عليه وسلم: إنَّ عِظمَ الجزاءِ مع عِظمِ البلاءِ، وإنَّ اللهَ إذا أحبَّ قومًا ابتَلاهم،
فمَن رَضي فله الرِّضَى، ومَن سخِط فله السَّخطُ)
يعني بعد كل المكابدة والمعاناة الحياتية دي ممكن يزول أثرك في الدنيا في لحظة، لكن لن يزول هذا الأثر عند الله عز وجل!
علشان كدا نفسيتك تعبانة ومتأثر لأنك مش فاهم يعني ايه (إليه راجعون)..
أنت هنا لتسجيل موقفك من الحياة تجاه ربك، وتجاه دينك، وتجاه المسلمين (إخوانك)..
يا أخي، هي عيشة واحدة وميتة واحدة، فاحرص أنك تعيشها لله وتموت لله برضو..
علشان كدا إخواننا تحت القصف: دا اختبارهم، فربنا يتقبلهم من الشهداء ويشفي مرضاهم ويداوي جرحاهم وينتقم من عدوهم وكل من خذلهم..
أما نحن: فاختبارنا دعمهم بدنياً ومادياً ونفسياً وإيمانياً ونصرتهم بشتى الطرق الممكنة، وتغليظ القلوب وشحن الصدور على عدوهم الصهيوني ومقاطعة كل اقتصاد يدعم هذا العدو حتى لا نشمتهم في ديننا أبداً..
لكلٍ منا اختباره تجاه ربه، ومع دينه، ومع إخوانه..
خليك فاكر: هي عيشة واحدة، وميتة واحدة، وكلنا إلى ربنا راجعون..
فانتبه ألا تخفق في اختبارك، لأن الحساب عسير جداً والموضوع جلل وخطير والله!
نافع | Nafe3
صوتيات نافع
14.3K views02:44