يا شباب، رجاءً محدش يبعت لي يقول معندناش وقت لـ 6 جلسات أو 7 ج | نافع | Nafe3
يا شباب، رجاءً محدش يبعت لي يقول معندناش وقت لـ 6 جلسات أو 7 جلسات!! اتصرف، اضغط على نفسك الفترة دي، وفيه وقت.. فيه وقت تنجز 7 جلسات..
محدش بيقولك استمر على الوضع دا طول حياتك يعني، احنا في معسكر دراسة مغلق لشهرين ثلاثة وبعدها الامتحانات وبعدها ارتاح في الإجازة.. فمتقولش أجيب منين وقت، اتصرف واستغل كل دقيقة من أوقات المباحات وقلل من الراحة شوية "بس مش كتير علشان لا تُهلك نفسك"، واستمر على 7 جلسات، استعن بالله عز وجل وربنا هيعينك...
أنا عارف أن الضغط على نفسك إحساس رخم ومش حلو، بس هنعمل ايه.. هي الدنيا كدا (لو عايز حاجة لازم تبذل لها)، وسلوانك أن الله عز وجل لن يضيع جهدك وتعبك، إما بتوفيق في الدنيا أو بأجر عظيم في الآخر.
"فمن طلب العلم ليحيى به الإسلام فهو من الصديقين ودرجته بعد درجة النبوة" (ابن القيم رحمه الله، مفتاح دار السعادة) ((إنك إن صدقت فستجد الوقت))
