موسوعة التفوق الطبية

2023-05-14 14:02:27 | ولانه دائما اثبتلكم انه كلامي صح شوفوا هاي الصورة دليل على كلامي..

| القرار يتوزع على كل المواد.. يعني مو فقط لمادة وحدة انما للكل عادي..

| مثلا شوفو هاي الطالبة عدها #اكمال_3_دروس واحد 48 والثاني 49 والثالث 48 ونجحت بيهم كلهم بالقرار.. يعني القرار 5 كان وتوزع على هاي الثلاث مواد و #نجحت_دور_اول بالقرار.

#ملاحظة: اللون الاخضر يعني مقبول بالقرار.. اما اللي بدون قرار يكون "#بدون_لون" فقط مكتوب "#مقبول".

#مـوسـوعـة_الـتـفـوق_الـطـبـيـة
https://t.me/N_S_G_T Buka / Bagaimana

2023-05-14 14:00:42 #استفسار_جامعي مع #محمد_غازي

| استفسار رقم

| محمد احنا جاي نسمع شي اسمه #كريف وجاي نسمع شي اسمه #قرار ومانعرف شنو الربط بينهم؟؟ وشلون ناخذهم؟؟ وضحلنا هالشي..

| شوفوا عيني.. #الكيرف يختلف عن #القرار...

| الكيرف: هو اقل درجة تنطيها الكلية على السعي السنوي للطلاب بشرط تنجح اكبر عدد ممكن من الطلاب.. اذا شافوا الطلاب بمادة معينة رسوب هواي كلش او مكسرة الدرجات كلش.. مثلا ينطون 2 او 4 او 3 او 5 درجات بحيث ينجح اكبر عدد ممكن من الطلاب بيها.. وهاي تكون على السعي السنوي قبل امتحانات الفاينل.. (الكريف من اختصاص الكلية اما الوزارة مالها علاقة).

| القرار: كلكم سامعين بيه بالمدارس وكلكم تعرفونه.. وهو يكون ثابت سنويا يعني ماكو سنة يجي وسنة مايجي او ماعرف ايش من هالكلاوات.. القرار ثابت سنويا.. والقرار يكون على درجات الفاينل.. يعني انتوا الطلاب تمتحنون وتخلصون وتنتظرون النتائج.. من تطلع النتائج يطلع مثلا اكو طالب مكتوب على درجة معينة ناجح بالقرار.. يعني مخليله قرار على هاي المادة.. مرات مادتين او ثلاث مواد ممكن تنجح بيهم كلهم بالقرار.. (القرار من اختصاص الوزارة والكلية تنفذ فقط ومالها علاقة).

| اذكر مرحلة اولى وياي طالبة عدها 3 مواد كلهن نجحت بيهم بالقرار يعني درجاتها كانت 49 - 48 - 48 فيوزعون القرار على كل المواد.. او مثلا مادة وحده عندك 45 تنجح بيها تصير 50..

| القرار الثابت هو 5 درجات.. بس صار كم سنة يخلوه 10 درجات وهاي السنة هم راح يكون 10 درجات..

| نظام الكورسات.. هو قرار واحد للكورسين سوى يعني 10 درجات نفسها تقسمها ع كورسين او تبقيهم لكورس واحد بس ماينطونه الا تخلص الكورس الثاني بعدين يلا يقسمونه او ينطوه لكورس واحد حسب حاجة الطالب..

| بالاخيير يارب ما تحتاجونه.. لا تخافون ابد كلكم تنجحون ومحد يبقى ابد الكل ينجح فالعليكم تدرسون وبسس وكلكم ناجحين

#محمد_غازي
#مـوسـوعـة_الـتـفـوق_الـطـبـيـة
https://t.me/N_S_G_T Buka / Bagaimana

2023-05-10 00:39:55 - راح تلاحظون "مبارك" هوواي فلا تستغربون.. - هاي سادس "مبارك" تم - بانتظار البقية #مـوسـوعـة_الـتـفـوق_الـطـبـيـة https://t.me/N_S_G_T Buka / Bagaimana

2023-05-10 00:39:28 الف مبارك للمهن الطبية والصحية والتمريضية #خريجين_2022.

وزارة الصحة تحيل كافة الاسماء الى مجلس الخدمه الاتحادي.

#مـوسـوعـة_الـتـفـوق_الـطـبـيـة
https://t.me/N_S_G_T Buka / Bagaimana

2023-05-09 20:13:44 | وزير التعليم يوافق على إعادة الطلبة المرقنة قيودهم في الدراسات العليا.

#مـوسـوعـة_الـتـفـوق_الـطـبـيـة
https://t.me/N_S_G_T Buka / Bagaimana

2023-05-09 14:47:42 ضوابط تعديل الترشيح للعام الدراسي 2023/2024

#مـوسـوعـة_الـتـفـوق_الـطـبـيـة
https://t.me/N_S_G_T Buka / Bagaimana

2023-05-09 14:42:02 #هــــــــــــــام_جــــــــــــــــداً

| التعليم تحدد موعد فتح استمارة تعديل الترشيح وقبول خريجي الإعدادية للسنة الدراسية السابقة.

حددت وزارة التعليم العالي والبحث العلمي يوم العشرين من حزيران المقبل 2023/6/20 موعدا لفتح الاستمارة الإلكترونية الخاصة لقناتي تعديل الترشيح وقبول خريجي الدراسة الاعدادية للسنة الدراسية السابقة.

وسيجري تفعيل استمارة تعديل ترشيح الطلبة المقبولين في السنة الدراسية 2023/2022 على القنوات (القبول المركزي وقبول ذوي الشهداء وقناة النخبة) شرط عدم التحاقهم بإحدى الدراسات (التعليم الحكومي الخاص الصباحي، والمسائية، والأهلية) او الكليات التابعة للوقفين.

كما سيتم تفعيل الاستمارة الإلكترونية الخاصة بقبول الطلبة من خريجي الدراسة الاعدادية للسنة الدراسية السابقة 2022/2021 على قناتي (القبول المركزي وقبول ذوي الشهداء) شرط عدم التحاقهم بإحدى الدراسات (التعليم الحكومي الخاص الصباحي، والمسائية، والأهلية) أو الكليات التابعة للوقفين.

وستتولى الجامعات اعتماد البوابة الإلكترونية لغرض تزويد الطلبة بأرقامهم السرية في حال فقدانهم لها فيما سيتاح للجامعة تزويد أي طالب برقمه السري بغض النظر عن محافظة سكن الطالب.

وسيستمر فتح الاستمارة الإلكترونية بعد إطلاقها إلى نهاية الدوام الرسمي من يوم الاثنين الموافق 2023/7/10.

#محمد_غازي
#مـوسـوعـة_الـتـفـوق_الـطـبـيـة
https://t.me/N_S_G_T Buka / Bagaimana

2023-05-08 22:57:45 #استفسار_جامعي مع #محمد_غازي

| استفسار رقم

| اني ك طالب يصير اغيب بالفاينل النظري؟؟! واذا غبت اعتبر دور ثاني ويحقلي امتحن لو شنو؟!؟

| شوفوا عيني.. انت ك طالب جامعي ضروري جدًا تمتحن النظري الفاينل او تاجله باجازة رسمية من الكلية (ركز وياي ضروري تمتحن او تأجل ضرووووووري).. حتى لو تحضر تمتحن وترسب او تأجل الامتحان للدور الثاني.. لأنه الطالب الغايب يعتبر #راسب السنة ويعيد المادة بالسنة الجديدة يعني اذا تغيب ما يحقلك تمتحن دور ثاني ابداااا.. الدور الثاني فقط للحاضر الامتحان وراسب او المؤجل فقط.. حتى لو السعي مالتك 50 والعملي ممتحن وصارت درجتك 60 هم لازم تحضر الامتحان النظري وتسجل حضور اذا ماتحضر راح ترسب السنة حتى دور ثاني مايحقلك.. #انتبهوووووووووا

| تكدر تمتحن دور ثاني بحالات نادرة مثل عندك وفاة لاسامح الله او حادث او سبب قوي يمنعك ولازم تودي اثبات للكلية يثبت هذا الشي.. اما الوزارة فقليل جدا يجي قرار وزاري يخلي الطالب الغايب يمتحن مع الدور الثاني وهذا القرار جا اذكره قبل سنتين.. بس انتبهووو ترى مو كل سنة يجي!!! يعني باختصار ممكن تضيع نفسك بسبب الغياب فلا تغيب ابددددددد..

| #المختصر انه لازم وضرووووووووووووري تمتحن النظري الفاينل او تأجله بصورة رسمية من الكلية وماتغيب ابد حتى لو تاخذ صفر بس لا تغيب ابد..

#محمد_غازي
#مـوسـوعـة_الـتـفـوق_الـطـبـيـة
https://t.me/N_S_G_T Buka / Bagaimana

2023-05-08 22:51:56 | بما انه قرب الفاينل لطلبة الجامعات راح نوضحلكم فقرات وتنبيهات خاصة بالامتحانات تحت |هاشتاك:

#استفسار_جامعي مع #محمد_غازي

Buka / Bagaimana

2023-05-05 22:28:44 #تنبيــــــــــــــــــــــه

| من العام المُقبل تنطلق امتحانات الدور الثاني بعد الدور الأول بأسبوعين فقط وستكون يوم 16/6..

| يعني اذا أجلت امتحان فاينل بالدور الأول او ما نجحت بالفاينل دور اول ترجع تمتحن فاينل دور ثاني بعدها بأسبوعين فقط..

| يعني ماكو بشهر التاسع بعد..

#محمد_غازي
#مـوسـوعـة_الـتـفـوق_الـطـبـيـة
https://t.me/N_S_G_T Buka / Bagaimana