وظائف العراق للشباب والبنات

اول عراقية تعمل كسائقة كيا في العراق
تنقل البضائع المختلفة

#أسيل_طه الموسوي 25 عاماً من محافظة #بابل حاصلة على بكالوريوس اعلام من جامعة عمان تعمل سائقة كيا حمل وتلقب بـ (راعية الكية) وهمها الوحيد ان تعيل عائلتها وتساعد شقيقاتها الثلاث لإكمال دراستهن.

#القصة_ومابيها

أسيل: اني احب شغلي كلش واعتبر السيارة اختي وصديقتي مو مجرد سيارة اشتغل بيها اطلع للشغل من ساعة 5 الفجر للـ 7 بالليل

دائما نسمع البنية مكانها المطبخ واذا اشتغلت فلو تتعين لو تگعد بالبيت حبيت اكسر هاي النمطية واشتغل شغلة احبها واثبت للكل انه ماكو شي صعب خصوصا على المرأة العراقية.

افتخر اني اشتغلت وگدرت اوصل خواتي ال 3 لأحسن جامعات وحدة طب اسنان والثانية صيدلة والثالثة تقنية تخدير ،رافعة راسي بيهن وين مااروح وافتخر وصلتهن للجامعة من لحم چتافي.

اكبر تحدي اواجهه ان اثبت لنفسي وللكل انه البنية قادرة تشتغل اي شغل مهما كان صعب في سبيل تكسب الرزق الحلال.

ورسالة اخيرة للمجتمع من تشوف بنية تشتغل بشرف لا تحاربها بالعكس ادعمها بكلمة طيبة ولاتحكم على اي بنت تشتغل على انها مو شريفة