سبحان لله كلما نتقدم بلـ زمن معايير الرجولة جاي تختلف وتنحدر ا | لـ مـحـمـد 🦅🔱

سبحان لله كلما نتقدم بلـ زمن معايير الرجولة جاي تختلف وتنحدر الى مكان لا يمد للـرجولة باي صلة النغل الي يوكف بوجه امه وابوه ويكسر گلبهم بكلامة ويعلي صوته صار شخص ذو شخصية قوية والي عندة اكبر عدد من البنات وكل يوم منكس نفسه امام لله ويا بنيه شكل صار سبع وينگالة عفية وعاشت ايدك والحيوانات الي على شاكلته يمدحون بي وكانما مسوي انجاز ويسألوا مين وشلون وعلمنة على شنو يعلمكم الرخيصات الي تنطي شرفها وعفتها لمن هب ودب مشمرات بوكتنا ما يحتاجلها شاطر روحوا اغطسوا بلنگاسة والي يضحك اكثر او اذا صح التعبير المضحك المبكي صراحة العاهات الي تبث وتهين نفسها علمود مبالغ مالية ومن ينطوهم حكم كله اهانة وينفذ او تنفذ الحكم يگولوله كفوووو نفذ هذا كفوووو نفذ الحكم وهوَ يصيح انا گد الحكم ويلا نطوني العدكم يلاا انا كدها ولله ؟!!! هي هاي الي انتَ كدها الأهانة والذل لله من كرمك انت يا انسان وخلاك خليفة بلارض وقانون الكون من جاذبية ومناخ وثروة حيرانية ونباتية وكلشي يسير و يدور من اجل ان تعيش كريماً في هذه الارض تاليها هذا الي تسعىٰ من اجله وكادر عليه هلـ نوعيات ما اسميها حيوانات لان الحيوان بعمرة ما مايقبل بلـ ذل تحت اي ضرف لو ميت جوع وتنطي اكل وبنفس الوقت تهين بي تضربه هم راح يشرد منك وينطي ردة فعل فه هيجي نوعيات لا بشر ولا حيوانات اسميهم اشباه الأنسان لان لا أنسان ينگال عليهم والحيوان هواي عليهم هذول بصفحة والزلم الخشنة الي مليانة شجاعة وقوة الي يدخل جولة ويتحدى الي ويا وكانما بساحة معركة ولله لادعس على خشمك ولله لاخليك عبرة ولله اسوي واسوي واسوي شسويييييي ولك شجاي تسوي انت جاي تنبح وتصيح كبسو وتهين روحك باحكام ذل ومهانة هيجي انت ما كسرت راس احد ولا خليت احد عبرة بلـ سويت روحك عبرة وجردت نفسك من الكرامة والعزة الي لله وهبها الك واذا فاز جوله يخلي اغنية او العالم الي بنفس مستوى الضئيل تصمملة وتخلي اغنية انا المحد عبر فوكي انا وانا ولكككك انتَ ياهو اليجي عابر فوك كرامتك وشخصيتك ورجولتك وداسها بلـ قنادر ربنا لاتؤاخذنا بما فعل السفهاء منا أستغفرك ربي وأتوب اليك .