لسلام عليكم ان شاء الله تكونوا بااحسن حال ي شباب انا است | قناة البوت الطبي 👨🏻⚕️
لسلام عليكم ان شاء الله تكونوا بااحسن حال ي شباب انا استاذ الدكتور/ أحمد محمد عباس ، نائب مدير وحدة المنح البحثية بأسيوط ، وعضو لجنة البحوث والدراسات العليا ، ومؤلف مشارك في أكثر من 167 مقالاً في 65 مجلة دولية PUBMED-CITED ومشارك ب 97 ملخص في المؤتمرات الدولية ومراجع في 196 مجلة دولية
اتمني تكونوا بخير وتستمتعوا معانا في رحلتنا اللي هنتعرف فيها سوا عن الريسيرش
طبعا كلنا عارف ان الميديكال ريسيرش واحد من اهم الاعمده اللي بيعتمد عليها الطب الحديث وحاجه من اهم الركائز للتطور والتقدم الطبي اللي بيعيشه العالم حاليا وان هو مجال كبير وفروعه ضخمه لكن قبل ما ندخل في مجالات الريسيرش وفروعه الكتيره متحاجين نسال سؤال مهم يعني إيه ريسيرش ؟!
ال Clinical research باختصار هو عبارة عن تجارب لنظريات أو فرضيات مكتوبة ، وتطبيق النظريات دي على ارض الواقع على مرضى حقيقيين ، عشان نكتشف هل النظرية دي صح ولا غلط ، أو صح بنسبة أد إيه !والنظريات اللي بتطلع بعد ما يتم التاكد من صحتها مما لا يدع مجالا للشك بتستخدم في وضع كتب الطب اللي بندرس منها
عشان كده مهم جدا انك ك طبيب تتعلم ريسيرش وتتعمق فيه
دلوقتي هييجي واحد منكم يسألني ي دكتور الكلام ده هيكون مهم للعلماء اللي شغالين علي تطوير الطب اما انا ف لسه طالب متخرجتش ي تري هستفاد اي من الريسيرش ؟!
اهميه الريسيرش ي شباب مش بتقف بس علي تقدم الطب وتطوره بل بتكون مهمه ليكم علي المستوي الشخصي ك افراد وهديك امثله ل اهميته الكبيره ليك
تعلمك الريسيرش وتعلمك مهاراته ده من اهم الحاجات اللي بتساعد علي تقويه cv بتاعك ك طبيب ويزود فرصك في القبول في الوظائف المتاحه داخل الدوله بتاعتك
انت لو بتجهز ل معادله خارجه زي USMLE او اي نوع اخر من المعادلات ف الريسيرش مهم جدا بالنسبه ليك عشان يتم قبولك بعد ما تخلص دراسه المعادله بتاعتك لان كل الناس هتذاكر ورق المعادله وهتنجح فيه لكن اللي هيميزك هو وجود الريسيرش في CV بتاعك وده هيديك افضليه كبيره
واخيرا وليس اخرا تعلمك ل مهارات الريسيرش ممكن يساعدك انك تشتغل بيهم من البيت في مواقع العمل الحر زي UP WORK او fivver او حتي في كليتك او المكان الموجود فيه
