Bir vaxtlar İmişli bazarında şorin 1 kilosu 1 manat idi. 70 q | 🔔Maraqlı TV📺
Bir vaxtlar İmişli bazarında şorin 1 kilosu 1 manat idi. 70 qramlıq araq rumkalarında satılan qaymaq da 1 manat idi. Yəni qaymaq şordan təxminən 15 dəfə baha satılırdı. Bu da təbiidir. Çünki onların təbii dəyəri məhz bu cürdür. Qaymaq südün üzüdür. Şor isə ondan qalan ayranın çürüntüsü, tullantısıdır.
İndi Araz marketdə həm şorun, həm də qaymağın kilosu 7 manata satılır.
Belə bir məsəl var: O yerdə ki, şorla yağın qiyməti eynidir, oradan qaç qurtar...
Bax, indi biz həmin yerdə yaşayırıq, Ancaq gedəcək başqa yer də yoxdur, çünki bütün dünyanı bu günə qoyublar. Şorla qaymağın dəyərinin eyni olduğu kökə.
Savadlı ilə bisavadın, ağıllı ilə axmağın, halalla haramın, namuslu ilə namussuzun, düz ilə əyrinin, təbii ilə süninin, gözəllə çirkinin, ismətli ilə fahişənin fərqi itib. Hətta ikincilər hər yerdə birincilər üzərində ağalıq etməyə iddialıdıtlar. Çünki şora palma yağı qatıb yağlandırır, qaymağa da eyni şeyi qatıb dəyərdən salırlar...
Hər iş, hər kəs, hər yer, hər sahə belə olub. Aleksandr Duqin düz deyir, bu , cəhənnəmlə göylərin mübarizəsidir və bizim bu mübarizədən qalib çıxmaqdan başqa yolumuz yoxdir.
O çıxış yolu olaraq ənənçiliyi (tradisionalizml) göstərir, çünki biz yalnız həyatımızı insan övladının ən gözəl ənənələri üzərində qurmaqla xilas ola bilərik. Bu isə hər şeyin təbiisini, əslini, doğrusunu, orijinalını əsas götürməkdir. Sünisini, saxtasını, yalanını, riyakarını yox...
Ənənəçilik əslində həm də ənənələri qorumağa yönəlik mühafizəkarlıqdır. Vaxtilə Mühafizəkarlar Partiyasını yaradarkən mən də belə düşünmüşdüm. Təəssüf ki, müəyyən səbəblərdən yaşada bilmədik. Mənsə çoxları kimi, bir portfeli, bir də özü olan partiya sədri olmaq istəmədimiyim üçün o addan müvəqqəti imtina etdim. Bu gün özümü və ideyalarımı Avrasiya Hərəkatında tapmışam. İnanıram ki, hər şeyi bəşəriyyətin ən gözəl, ən təbii, ən doğru ənənələri üzərində qurmağı, ən saf və sağlam ənənələri - əxlaqi, namusu, düzgünlüyü, təbiiliyi, səmimiyyəti, halallığı, kişiliyi, qadınlığı, qeyrəti yaşada biləcəyik. Buna inanmaq üçün konkret əsaslarım da var. Müşahidələrim göstərir ki, haram, saxta, süni, yalan nə qədər arxalı olsa da, halal, təbii, doğru üzərində mənəvi qələbə qazana bilmir. Onların qələbəsi müvəqqəti-maddi olur və nəticə etibarilə özlərinin əleyhinə işləyir. Şeytanın odu sonda mütləq özünü yandırır...
Nadir Qocabəyli
@turan_ekspressi
