2023-05-10 16:46:13
قوجا لیلان
ایرانین اولدوزو، لیلان! آنایوردوم! وطنیم!
توپراغیندان گویریب هم بو جانیم هم بدنیم
ای قیزیل توپراغینین باغری شهیدلر کفنی
کیمسه سئومز بئله آلت-اوستو قیزیلدان وطنی
باخیرام خسته اوزاقدان سنه آیدین شَهَریم
اوزاق اولسامدا، وطندن نئجه اولماز خبریم؟
بلکه طبعیم سئل اولا شهریمه یازسام سوزومو
قورو لیلان چایینا هئی تیکیرم شئه گوزومو
پنجرهمدن شَهَرین گئن اوفوقون یوخلاییرام
باباگرگر نیشانین گوزله گودوب اوخلاییرام
یاز گلیب هئی بورویور یاپراغا موولر بوداغین
شهریدن آستا توتوللار یئنه چوشن سوراغین
قانانین سالخیمی بیر گوجلو چیراق تک اود آلیر
آغیزا پارلاق اوزوملر نئجه سئل تک سو سالیر
قوجا بختک قالاسیندان سسیمی قووزاییرام
لیلان اوستونده بیتن لالهلری هئی ساییرام
نئچه اولدوز گویه حسرتله باخیب سونرا آخیب؟
ایرانا، لیلانا چپ هر بوزاران گوز کی باخیب
آزی دوققوزمین ایلین سنده تمددون نیشانی
قوجا لیلان! آنایوردوم! مدنییت مکانی!
صهبانین طبعی جوشور شهرینه سوز-موز بئجریر
قوجالان اولکهمه ایقبال یئنی قاش-گوز بئجریر
مهدی پاشائی - بیستم اردیبهشتماه ۱۴۰۲
کانال شعری خوش باش:
@khoosh_bash
1.2K views13:46