2023-05-09 08:25:50
خطرها على الإمتحانات .
كلنا وقت الإمتحان نشعروا بضغط كبير ، بين حد مش واثق في اللي قاريه ، واللي يقرا ويحس روحه ينسى ، واللي مش قادر يكمل المنهج ، واللي عنده ظرف صحي ولا عائلي ، واللي .. واللي ..
تتعدد الأسباب وهم الإمتحانات واحد ..
في معلومة سمعتها ، كانت لي خير معين ، وخلتني نخش للإمتحان مطمئنة بالرغم من أني مش مكملة المنهج ، ونحس في روحي ناسية اللي قاريته اصلاً ..
قال تعالى :
{ وَأَعِدُّوا لَهُم مَّا اسْتَطَعْتُم مِّن قُوَّةٍ }
هذا شرط التوفيق والنجاح ، إن تدير كل اللي تقدر عليه ، وتتوكل على الله ..
لو تذكروا بس في كل غزوات المسلمين كان عدد المسلمين أقل ، وأمكانياتهم أضعف ، بس شنو اللي خلاهم ينتصروا ؟
شنو اللي خلى الفتوحات تتوالى ؟
بعد فضل الله ، هم طبقوا الشرط والله عنده سنن في الكون ..
اللي يدير كل اللي عليه ، ويتوكل ، يبشر بنصر الله وتوفيقه ..
لذلك اللي عنده إمتحان ، صاح مرات مش مكمل المنهج ، ولا تنسى ، ولا المادة صعبة ..
أنت درت كل اللي تقدر عليه ، سهرت وتعبت وحرمت روحك من طلعات ومناسبات ..
ودعيت وحطيت كل أملك في الله وتوكلت عليه
خلاص أبشر ..
قال تعالى :
{ وَمَن يَتَوَكَّلْ عَلَى اللَّهِ فَهُوَ حَسْبُهُ ۚ إِنَّ اللَّهَ بَالِغُ أَمْرِهِ ۚ قَدْ جَعَلَ اللَّهُ لِكُلِّ شَيْءٍ قَدْرًا } ..
الفترة هذي حاتمر ، توكلوا على الله ، وأكثروا من قول " لا حول ولا قوة إلا بالله
34 views05:25