2023-07-15 11:21:11
مبروك للطلاب اللي امتحنت كل المواد وان شاء الله النجاح حليفكم.. وبقناة تكربك الجامعة راح نساعدكم كذلك @CRACK_7
اما المؤجلين !
اشياء لازم تسووها :-
1- لازم تطلعون من القنوات اللي بس تسوي عليكم هوسة ومتفيدكم، متأكد اكو هواي حاطين زايدات ومتفتحوهن فتخلون بالتلي بس الشي الضروري كلشششش تمام ؟
2- هسة اي واحد بيكم صارت عندة فرصة ثانية حتلو جان يسخت فهم عادي عدكم شهر تكلبون بي الموازين لصالحكم
3- ما اكدر اوصف أهمية نوم الليل من ١١ إلى ٥ الصبح هواي اسمع طلاب تكول عندي خمول صدكوني اذا نمتو بهالوقت مراح يصير عندك بعد .... وجربتها وشفت النتائج
4- اذا انت مأجل كل المواد فعندك من ٧ الصبح لل ١٠ بالليل مو بس قراية لا اكعد نظم جدول وخلي ريستات واطلع كل أسبوع بنفس الوقت حتى ما تهمل دراستك وتقضيهة ريستات كلشي بوكتة حلو.
5- اذا انت مأجل ٣ مواد فما تحت ف والله العظيم عندك شهر لو يومية كل مادة ساعتين بتركيز هم تطلع ١٠٠
6- سالفة النسيان هواي تسمع يكولون النسيان طبيعي بس احياناً مو طبيعي نوبات الطالب ميقرا بتركيز فالمعلومة ما تنخزن بذاكرة المدى البعيد فتجي بالامتحان عبالك اول مرا تقرا وتنهار فلازم تركز كلش زين من تقرا حتى تتخلص من النسيان اللي مو طبيعي.
7- صراحتاً لازم تسجل الاغلاط وعواقبهة بورقة كدامك حتى ما تعيدها وتظل تتذكر شكد عانيت من ورا هاي الاغلاط وما تعيدها.
8- لحد يصدك الي يكتفي بالكتاب يجيب درجة كاملة لازم لازم وزاريات تقرا ويا حتى تضبط.
9- انت وصلت لمرحلة صارت عندك خبرة مو محتاج تسأل هذا وذاك يعني تخيل بعد شهر يبدون هم يسألوك ويستفسرون منك.
10- دائما تذكر انو هو راح يخلص مثل ما خلصو بعض الطلاب اليوم ومتضل تكول اهوو بعد شكد ما ظل شي والله هانت.
11- اهم شي صلاتك وتكون قريب من رب العالمين نتذكر عندما يرتبط السعي بالتوكل على الله لاتخضع النتيجة لموازين البشر فخلي عندك ثقة وتوكل
12- ضروري هسة تروح تفرفش وتأخذ ريست فد يومين، وترجع بقوة وتستغل اخر فرصة الك ابشع استغلال .
وتذكر كلشي اله نهاية..
27.0K views08:21
ق
