Фариштадек кўринасиз кўзимга,
Жон аёллар тингланг мени бир зумга,
Бахт топасиз амал қилинг сўзимга,
Эрингизни кутиб олинг эркалаб,
Хурсанд қилиб кузатингда эрталаб.
Рўзғорни ғор дейдиларку тўлмайди,
Қайси уйда камчиликлар бўлмайди,
Сиз бор меҳр муҳаббат ҳам сўлмайди,
Эрингизни кутиб олинг эркалаб,
Хурсанд қилиб кузатингда эрталаб.
Шодланганда шодлигингиз билдиринг,
Ҳафа бўлса ширин сўзлаб кулдиринг,
Чин садоқат қармоғига илдиринг,
Эрингизни кутиб олинг эркалаб,
Хурсанд қилиб кузатингда эрталаб.
Доим сиздан рози бўлса эрингиз,
Жаҳаннамда куймас эту терингиз,
Жаннат бўлар борадиган ерингиз,
Эрингизни кутиб олинг эркалаб,
Хурсанд қилиб кузатингда эрталаб.
Тиним билмай ишлаб ҳалол туз учун,
Бахту омад тилаб ўғил қиз учун,
Жонини ҳам фидо қилар сиз учун,
Эрингизни кутиб олинг эркалаб,
Хурсанд қилиб кузатингда эрталаб.
Боқоний дер нурга тўлсин уйингиз,
Қўша қариб набиралар суйингиз,
Ўшанда ҳам эр ишқида куйингиз,
Эрингизни кутиб олинг эркалаб,
Хурсанд қилиб кузатингда эрталаб.
Аёллар учун фойдали канал
✿•┈┈┈┈••ৡ❀ৡ•┈┈┈┈•✿
@Ayollarga_tavsiya
✿•┈┈┈┈••ৡ❀ৡ•┈┈┈┈•✿
