2024-02-20 01:19:31
ياراعي الوقفه علي ردها دين
حتى لو انه حسني منّها حاس
فزعت فزعة ملحقين المخلين
وألحقتها رمحٍ مثل رمح جساس
وأنا مانيب ارضى لي الموقف الشين
ومن دون عزة نفسني يحسني الهاس
حنا خلقنا الله حشام وعزيزين
لانقبل الهين ولا نرخي الراس
عن قول عطنا كن ماعندنا إيدين
ولقول هاك يديننا أخماس وأسداس
نفوسنا مخلوقه تشوم وتشين
ويديننا مخلوقه لثّر الأكياس
لذا لامن وقفت لي يا أحمر العين
فلا تعلم بي الجزيره ولا واس
أنا مدين لراعي الوقفه إيلين
يمنّـها ولا يعلم بها الناس
11.8K views22:19
م
