يا رزاق الـحــــب حـيـاك يا عم سكينه انس وجن دخيلك بحماك ياعم سكينه يا چف اتقبله الزهراء بس انته الكافل باب الخدمة بچف يمناك يا عم سكينه انته ابوك السوا صيت لحچي الطين الناس من تعله علي معليهم ... بالحرب ما ينطي ضهره لعدو چــان لن انته بظهره لاتگظيهم ... " يا ابا الفضل انته ملح الدنيا وكلشي ماصخ صيته يا بــزر حـيـدرنا ونـعـم مــــن بزريته كل لغات الكوكب ما توصف احروفك وكــل لـغـاتي تگـلـك اكــفـل الربيته ... يا ابا الفضل ياسيدي #### الما يعدل انته تسويه وتصنعه أيمينك دليت الوادم مولاي بگطعت چـفـيـنـك الناس الما دخلت بحماك ما ضاگت راحة تصنع أمثال ل سلمان يا نضرة عينك انته عالي وما يلوحك حچيي هاذ السكته يمك تختصر افعالي ... الحچي عنك اوگف بغرفه وحـرام استند وانته احكم بحوالي ..."يا ابا الفضل الما توضــه بـحــبـك هـذا باطل دينه اليغفه چـفـه بـچـفـك مـا تزل رجلينه انته ســـر وحاشــه الوادم ايـعرفونك ياهو مثلك منطي كلشي لجل حسينه ... يا ابا الفضل ياسيدي #### قيس اشجابه لحبك لا بس انته العاشـگ بلا ذرعانك بس ما اشوف غيرك اليشابگ حبك أيثار وآداب مــو مـثـل العــشـگــو ما عابر جدمك مولاك وبالكونه يســابگ ابليس يسجدلك اكيد على الفرات للنهر ما سوا مثلك واحد ... رأس انــتـه والـبـشـر كلهم اچتاف يعني فوگ البشر قدرك صاعد "ياابا الفضل لاوي چــف الكـونه وانته كاسـر عـينهه انطيت أديك لفاطم واحنه اشمنطينهه ادخيل اديك وعينك ادخيل عتبت بابك اهواي ناس أمثالي وتـخــدم مسوينهه ... يا ابا الفضل ياسيدي ### فضل الوادم من ينقاس لجدمك ما واصل بس فضلك صاعد للـغـيـم والــــوادم نازل ياهو المثلك حتى انخاه واتـوكل بسمه ساند ضهري ودوم انخاك مولاي الـكـافل احروفك أثـگـال الحـچـه بيهن ثگيل واسمك يطهر الگلب والسالفه ... الحـچـي عـنـك ورطه لا اكثر وازيد يعني اوصفلي بشر ما شايفه " ياابا الفضل زلمة مثلك ماكو تـمـشي قـبـله افـعاله گـــبـل لا تـدنالـهـم ومــاتـت الرجــاله السيف بيدك مثلك عدل ضهر العوجه وترس عين الشاطي بخيل والخياله ... يا ابا الفضل ياسيدي #### ابو فضه الحميداوي 1.1K viewsابو فضة الحميداوي, 21:26
